நெடுந்தீவு தூய வேளாங்கன்னி சிற்றாலயத்தின் கொடியேற்றம் நேற்று!

நெடுந்தீவு வைத்தியசாலை வளாகத்தில் அமையப்பெற்ற தூய வேளாங்கன்னி சிற்றாலய வருடாந்த திருவிழாவிற்கான கொடிமரம் ஏற்றும் நிகழ்வு நேற்று (ஓகஸ்ட் 17) நண்பகல் 12:00 மணியளவில் இடம்பெற்றது.

இந்தப் புனித நிகழ்வானது பங்குத்தந்தை அருட்பணி ஜோண் கனீசியஸ் அடிகளார் தலைமையிலும் பிரதேச வைத்திய அதிகாரி, வைத்தியசாலை உத்தியோகத்தர்கள் மற்றும் பங்குமக்களின் பிரசன்னத்துடனும் இடம்பெற்றது.

திருக்கொடியேற்றும் நிகழ்வு மாலை 05:00 மணிக்கு திருச்செபமாலை தியானத்தை தொடர்ந்து இடம்பெற்று முதல்நாள் திருப்பலியும் இடம்பெற்றது.