2025 ஆம் ஆண்டு நடைபெற்ற தரம் 5 புலமைப்பரிசில் பரீட்சைப் பெறுபேறுகளைத் தொடர்ந்து, 2026 கல்வியாண்டிற்கான தரம் 6 மாணவர் சேர்க்கைக்கான பாடசாலை அடிப்படையிலான வெட்டுப் புள்ளிகள் வெளியிடப்பட்டுள்ளதாக அறிவிக்கப்பட்டுள்ளது.
பெற்றோர்கள் மற்றும் மாணவர்கள் கல்வி அமைச்சின் உத்தியோகபூர்வ இணையதளமான www.moe.gov.lk என்ற இல் உள்நுழைந்து, இந்த வெட்டுப் புள்ளிகளுக்கான முழுமையான விபரங்களைப் பெறலாம் என்று அமைச்சு தெரிவித்துள்ளது.
மேலும், மாணவர்கள் தங்களுக்கு வழங்கப்பட்டுள்ள பாடசாலை விவரங்களையும் ஆன்லைன் மூலம் அறிந்து கொள்ளும் வசதி ஏற்படுத்தப்பட்டுள்ளது. இதற்காக https://g6application.moe.gov.lk இணையதளத்தில் சென்று, ஒதுக்கப்பட்ட பாடசாலையைச் சரிபார்த்து உறுதிப்படுத்திக்கொள்ளலாம்.
இந்த தகவல்கள் பரீட்சைத் திணைக்களத்தால் உத்தியோகபூர்வமாக வெளியிடப்பட்டுள்ளதால், தரம் 6ற்கு தேர்வான மாணவர்களின் பெற்றோர்கள் மேலே குறிப்பிடப்பட்ட இணையதளங்களைப் பயன்படுத்தி தேவையான தகவல்களைப் பெறுமாறு கேட்டுக்கொள்ளப்படுகிறார்கள்.