அம்பாறை மாவட்டத்தின் கரையோரப் பிரதேசத்தில் சாய்ந்தமருது மாளிகைக்காடு ஜனாஷா மைய்யவாடியில் நல்லடக்கம் செய்யப்பட்ட ஜனாஷாக்கள் கடலரிப்பால் வெளியாகின்றதாக தகவல்கள் தெரிவிக்கின்றன.
மாளிகைக்காடு மையவாடியில் இருந்தே குறித்த ஜனாஷாக்கள் வெளிவருவதாக கூறப்படுகின்றது.
குறித்த ஜனாஷாக்கள் மஞ்சிப்பலகை கூட உக்காமல் கபன் சீலைகள் நிறமும் மாறாத நிலையில் கடலலையால் கடற்கரையில் ஒதுங்கிய வண்ணம் உள்ளதாக மக்கள் விசனம் வெளியிட்டுள்ளனர்.
இந்த நிலையில் தற்பொழுது நாட்டில் கொரோனா அச்சமும் , புயலின் அச்சமும் நிலவுகின்ற நிலையில் இது தொடர்பில் தீர்வு கிடைக்குமா என பிரதேசவாசிகள் கேள்வி எழுப்பியுள்ளனர்.
