நெடுந்தீவு மத்தி தூய ஜோவான் கல்வி நிலையத்தின் சிறுவர் மற்றும் ஆசிரியர் தின நிகழ்வுகள் இன்று(நவம்பர் 21) மாலை 03:30 மணிக்கு சிறப்பாக இடம்பெற்றது.
நிகழ்வின் பிரதம விருந்தினராக நெடுந்தீவு பங்குத்தந்தை கலந்து சிறப்பித்திருந்தார். 2022 உயர்தரப் பரீட்சையில் சித்தியடைந்து பல்கலைக்கழக அனுமதி பெற்ற மாணவர்கள் மற்றும் 2023 தரம் 5 புலமைப் பரிசில் பரீட்சையில் வெட்டுப்புள்ளிக்குமேல் பெற்று சித்தியடைந்த மாணவர்கள் கௌரவிக்கப்பட்டதுடன், கல்வி நிலைய வரவு மற்றும் பரீட்சைகள் அடிப்படையில் மாணவர்களுக்கு பரிசில்களும் வழங்கிவைக்கப்பட்டன.
மாணவர்களின் கலை நிகழ்வுகளும் இடம்பெற்றது. இந்த நிகழ்வில் நெடுந்தீவு திருக்குடும்ப கன்னியர்மட தலைவி, நெடுந்தீவு மகா வித்தியாலயம் , சைவப்பிரகாச வித்தியாலயம் என்பவற்றின் அதிபர்கள் , கல்வி நிலைய ஆசிரியர்கள் , மாணவர்கள் மற்றும் பெற்றோர்கள் என பலர் கலந்து சிறப்பித்தமை குறிப்பிடத்தக்கது.
