புதிய அலை கலை வட்டம் நடத்திய எவோட்ஸ்-2022 சர்வதேச கவிதைப் போட்டியில் முதல் பரிசை பெற்றுக்கொண்ட நெடுந்தீவு மைந்தனும் தற்போது நெதர்லாந்தைச் சேர்ந்தவருமான கவிஞர் பசுவூர் கோபி அவர்களுக்கு விருதும், சான்றிதலும் வழங்கப்பட்டன.
கடந்த ஞாயிற்றுக்கிழமை (செப்.17) கொழும்பில் உள்ள புதிய நகர சபை மண்டபத்தில் நடந்த நிகழ்வில் இவை வழங்கப்பட்டன. 
நிகழ்வுக்கு முன்னிலை வகித்த இலங்கை ஒலிபரப்புக் கூட்டுத்தாபனத்தின் ஆலோசகர் புரவலர் ஹாசிம் உமர் விருதை வழங்கினார். சிறப்பு அதிதி யான தினகரன் பத்திரிகையின் ஆசிரியர் தெ.செந்தில்வேலவர் பொன்னாடை போர்த்திக் கௌரவித்தார்.
புதிய அலை கலை வட்ட ஸ்தாபகர் ராதாமேத்தா, தலைவர் ஷண்மு, பொருளாளர் ஓவியன் ஆகியோர் நிகழ்வில் இதன்போது உடனிருந்தனர்.
