புரவி புயலால் பாதிக்கப்பட்ட நெடுந்தீவினை நேரடியாக சென்று பார்வையிட்டார் அரச அதிபர் அவர்கள்
கடந்த நாட்களில் ஏற்பட்ட புரவி புயல் இலங்கையின் பல்வேறு இடங்களிலும் பாதிப்புக்களை ஏற்படுத்தியது குறிப்பாக நெடுந்தீவில் இந்த புயலின் தாக்கம் மிக அதிகமாக காணப்பட்டது.
மக்கள் கருத்து தெரிவிக்கையில் 1964ம் ஆண்டு காலப்பகுதியில் இவ்வாறான ஒர்; புயல் ஏற்பட்டதாகவும் அதன் பின்னர் தற்போது இப்புயல் தாக்கம் காணப்டுவதாகவும் தெரிவித்துள்ளனர்
பாதிக்கப்பட்ட இடங்களை நேரடியாக சென்று பார்வையிட்ட அரசாங்க அதிபர் குழுவினர் அது தொடர்பாக கலந்துரையாடல்களை மேற்கொண்டு எதிர்கால செயற்பாடுகளை தூதப்படுத்துவதற்கான நடவடிக்கை மேற்கொள்வதாக தெரிவித்துள்ளர்.
இது தொடர்பாக அரசாங்க அதிபர் அவர்கள் கருத்து தெரிவிக்கும் போது பல்வேறு பாதிப்புக்கள் நெடுந்தீவில் ஏற்பட்டுள்ளதாகவும், குறிப்பாக நெடுந்தீவின் இறங்கு துறைமுகப்பகுதி பாதிக்பப்ட்டதுடன் படகுகளும் பாதிக்கப்ட்டுள்ளதாகவும் நெடுந்தீவு கடற்கரையினை அண்டி வாழ்கின்ற மக்களது கடற்தொழில் மேற்கொள்ளும் 47 படகுகள் சேதமடைந்துள்ளதாகவும் இரண்டு காணிகளுக்குள் முற்றாக கடல் உட்புகுந்துள்ளதாகவும தெரிவித்துள்ளார்
மேலும் பிரதானவீதி, மற்றும் பல இடங்கள் சேதமடைந்துள்ளதாகவும், தெரிவித்துள்ளதுடன் பாதிக்கப்பட்ட மக்களுக்கான நிவாரணப்பணிகளை பிரதேச செயலாளர் அவர்கள் மேற்கொண்டுள்ளதாகவும் அதற்கான அனுமதி வழங்கப்பட்டுள்ளதாகவும் தெரிவித்துள்ளார்
மிக விரைவாக நெடுந்தீவின் இறங்கு துறைமுகத்தினை திருத்தம் செய்வதற்கான ஏற்பாடுகளை மேற்கொள்ளவேண்டும் எனவும் ஏனைய செயற்பாடுகள் தொடர்பாக உரிய நடவடிக்கைகள் மேற்கொள்ளப்படும் எனவும் தெரிவித்தார்
அரசாங்க அதிபர், மேலதிக அரசாங்க அதிபர் பிரதேச செயலாளர், பிரதேச சபை தலைவர் உறுப்பினர்கள் பிரதேச செயலக உத்தியோகத்தர்கள் மற்றும் சமூக மட்ட அமைப்பின் உறுப்பினர்கள் கிராம மக்கள் என அனைவரும் கலந்துரையாடல்கள் கள விஜயங்களில் இணைந்து கொண்டனர்
புரவி புயலால் பாதிக்கப்பட்ட 760 குடும்பங்களுக்கு நிவாரணம் வழங்குவதற்கான ஏற்பாடுகள் மேற்கொள்ளப்பட்டுள்ளதாகவும் மிக விரைவாக இவ் நிவாரணம் வழங்கப்படும் எனவும் தெரிவிக்கப்பட்டுள்ளது.
