புங்குடுதீவு சிவலைப்பிட்டி சனசமூக நிலையத்தின் 63 ஆவது ஆண்டு நிறைவை முன்னிட்டு, புங்குடுதீவு அம்பாள் விளையாட்டுக்கழகத்துடன் இணைந்து தீவுப் பகுதி வீரர்கள் பங்கேற்கும் வகையிலான பல்வேறு நிகழ்ச்சிகள் மற்றும் போட்டிகளை ஏற்பாடு செய்துள்ளது.
மேற்படி நிலையத்தின் ஆண்டு நிறைவு விழாவை முன்னிட்டும்,சித்திரை புதுவருடத்தை முன்னிட்டும், இன்று வெள்ளிக்கிழமை முதல் எதிர்வரும் 14 ஆம் திகதி வரை விளையாட்டுப் போட்டிகள் நடைபெறவுள்ளன.
அந்தவகையில் இன்று முதல் நாளை மறுதினம் ஞாயிற்றுக்கிழமை வரை உதைப்பந்தாட்டச் சுற்றுப் போட்டியும், 12 ஆம் திகதி புதன்கிழமை பெண்களுக்கான வலைப்பந்தாட்டப் போட்டியும் புங்குடுதீவு அம்பாள் விளையாட்டுக்கழக மைதானத்தில் நடைபெறும்.
எதிர்வரும் 14 ஆம் திகதி காலை 6 மணி முதல், ஆண்களுக்கான 35 கிலோ மீற்றர் சைக்கிள் ஓட்டம், பெண்களுக்கான 10 கிலோ மீற்றர் சைக்கிள் ஓட்டம், மரதன் ஓட்டம் மற்றும் 50 வயதிற்கு மேற்பட்டோருக்கான சைக்கிள் ஓட்டம் ஆகிய போட்டிகளும் இடம்பெறவுள்ளன.
அன்றைய தினம் பிற்பகல் 3 மணி முதல் சிறுவர்களுக்கான விளையாட்டு நிகழ்வுகளும் நடைபெறவுள்ளன.
