செவிப்புலனற்றோருக்கான விசேட சாரதி அனுமதிப் பத்திரம் வழங்கும் நிகழ்வு மோட்டார் போக்குவரத்து உதவி ஆணையாளர் ஏ. கிருபாகரன் தலைமையில் மாவட்ட செயலக கேட்போர் கூடத்தில் நேற்றையதினம் (நவம்பர்17) இடம்பெற்றது.
இந் நிகழ்வில் பிரதம விருந்தினராக அரசாங்க அதிபர் ம. பிரதீபன் அவர்கள் கலந்து கொண்டிருந்தார்.
யாழ்ப்பாண மாவட்ட மோட்டார் போக்குவரத்து திணைக்களம், யாழ் மாவட்ட தமிழ் செவிப்புலனற்றோர் அமைப்பு மற்றும் இலங்கை செவிப்புலனற்றோர் மத்திய சம்மேளனம் ஆகிய நிறுவனங்களின் ஏற்பாட்டில் செவிப்புலனற்றோருக்கான சாரதி அனுமதிப் பத்திரம் 11 பேருக்கு வழங்கப்பட்டமை குறிப்பிடத்தக்கது.
யாழ்ப்பாண மாவட்டத்திலேயே முதன்முறையாக இவ் விசேட சாரதி அனுமதிப்பத்திரம் வழங்கப்பட்டதுடன் குறிப்பாக இச் சாரதி அனுமதிப்பத்திரம் இரண்டு வருடங்களுக்கு மட்டுமே செல்லுபடியாகும் மீண்டும் புதுப்பிக்கப்பட வேண்டும்
இந் நிகழ்வில் மேலதிக அரசாங்க அதிபர் (காணி) பா.ஜெயகரன் , பிரதம கணக்காளர் எஸ் கிருபாகரன், பிரதம பொறியியலாளர் க.திருக்குமார், உதவிமாவட்டச் செயலாளர் உ.தா்சினி, இலங்கை செவிப்புல வலுவுற்றோர் மத்திய சம்மேளன பிரதிநிதி சுகானி றங்கா , யாழ்மாவட்ட தமிழ் செவிப்புல வலுவுற்றோர் அமைப்பு நெசிந்தன், மாவட்ட மோட்டார் போக்குவரத்து திணைக்கள உத்தியோகத்தர்கள், சாரதி அனுமதிப் பத்திரம் பெறுவதற்கு வருகை தந்த செவிப்புல வலுவுற்றோர் ஆகியோர் கலந்து கொண்டனர்.