மன்னாரில் இரு கடற்தொழில் படகுகள் மோதி விபத்து!

மன்னார் தாழ்வுபாடு மீன்பிடி துறையில் இருந்து நேற்று (நவம்பர்15) இரவு கடற்றொழிலுக்குச் சென்ற படகு ஒன்றும், கடலில் மீன் பிடித்து விட்டு கரை திரும்பிய படகு ஒன்றும் மோதிய நிலையில் இரு படகுகளும் கடும் சேதத்திற்கு உள்ளாகியுள்ளது.

குறித்த விபத்து தாழ்வுபாடு கடற்கரையில் இருந்து சுமார் 150 மீட்டர் தொலைவில் இடம்பெற்றுள்ளது. 

படகுகளில் ஒரு படகு கரை திரும்பிய நிலையில், மற்றைய படகு கடலில் மூழ்கியதோடு பின்பு குறித்த படகு மீட்கப்பட்டு கரைக்கு கொண்டு வரப்பட்டுள்ளது. 

இதேவேளை  மூழ்கிய படகில் பயணித்த கடற்றொழிலாளி ஒருவர் சிகிச்சைகளுக்காக மன்னார் வைத்தியசாலையில் அனுமதிக்கபட்டுள்ளார். 

குறித்த இரு படகுகளின் உரிமையாளர்களும் விபத்து குறித்து மன்னார் பொலிஸ் நிலையத்தில் முறைப்பாடு செய்த நிலையில் மன்னார் பொலிஸார் மேலதிக விசாரணைகளை முன்னெடுத்து வருகின்றனர்.