மன்னார் பேசாலை பொலிஸ் பிரிவில் சந்தேகத்தின் பேரில் கைது செய்யப்பட்டுபேசாலை பொலிஸ் நிலையத்தில் தடுத்து வைக்கப்பட்டிருந்த 34 வயதுடைய நபர் ஒருவர் இன்றைய தினம் வெள்ளிக்கிழமை (ஒக்.03) காலை போலீஸ்நிலைய தடுப்பு காவலில் சடலமாக மீட்கப்பட்டுள்ளார்.
உயிரிழந்தவர் வவுனியா கூமாங்குளத்தைச் சேர்ந்த ராஜேந்திரன் கபிலன் (வயது-34) என அடையாளம்காணப்பட்டுள்ளார்.
குறித்த சம்பவம் குறித்து மேலும் தெரிய வருகையில்.
பேசாலை பொலிஸ் பிரிவுக்குட்பட்ட கட்டாஸ்பத்திரி பகுதியில் நேற்று (ஒக். 02) மாலை போதை பொருள் தொடர்பான சந்தேகத்தின் பேரில் குறித்த நபர்கைது செய்யப்பட்டார்.
குறித்த நபரை பேசாலை பொலிஸார் துரத்தி பிடித்ததோடு, இவருடன் இருந்தமற்றொரு நபர் தப்பி ஓடியதாக தெரிவிக்கப்படுகின்றது.
கைது செய்யப்பட்ட குறித்த நபரை பொலிஸார் பேசாலை போலீஸ்நிலையத்திற்கு அழைத்துச் சென்று விசாரணைகளை முன்னெடுத்தனர் இந்நிலையில் குறித்த நபர் இன்று வெள்ளிக்கிழமை (ஒக். 03) காலை உயிரிழந்த நிலையில் காணப்பட்டுள்ளார்.
இந்நிலையில் இன்று காலை சடலத்தை , பொலிசார் பேசாலை பிரதேசவைத்தியசாலைக்கு கொண்டு செல்லப் பட்டுள்ளதாக தெரிவிக்கப்படுகின்றது
தொடர்ந்து மன்னார் நீதிமன்ற பதில் நீதிவான் ஜெபநேசன் லோகு பேசாலைபிரதேச வைத்தியசாலைக்கு சென்று விசாரணைகளை முன்னெடுத்தார்.
இதனை அடுத்து பேசாலை பொலிஸ் நிலையத்திற்கும் சென்று நிலைய சிறைக்கூடத்தையும் பார்வையிட்டு விசாரணைகளை முன்னெடுத்தார்.