கியூமெடிக்கா நிறுவனத்தினால் நெடுந்தீவுதொடர்பாக ஆய்வு செய்யப்பட்டு அதன் விபரங்களை உள்ளடக்கிய நூல் வெளியீடு கியூமெடிக்கா சர்வதேச பிரதம நிறைவேற்றுப் பணிப்பாளர் திரு. ஜொகானஸ் பீட்டர் அவர்கள் தலைமையில் நேற்றையதினம் (நவம்பர்19) யாழ் மாவட்ட செயலக கேட்போர் கூடத்தில் நடைபெற்றது.
இயற்கை வளங்களைப் பாதுகாப்பதும் சேதப்படுத்தாமல் பேணவும், பறவைகள் விலங்குகள் பாதுகாக்கவும், உள்ளூர் மக்களின் நலனை உயர்த்தவும், சுற்றுலா பயணிகளுக்கு பொறுப்பான மற்றும் நிலைத்த பயண அனுபவத்தை வழங்கவும் அடிப்படையாகக் கொண்டு நெடுந்தீவு சூழல் சுற்றுலா (Delft Eco Tourism) பல ஆய்வுகளின் அடிப்படையில் தயாரிக்கப்பட்ட நூலாகும்.
இந் நூலில் நெடுந்தீவில் உள்ள மருத்துவ குணம் கொண்ட 170 தாவரங்கள், 107 தாவர வகைகள், வெளிநாட்டு களிலிருந்து வருகை தரும் பறவைகள் மற்றும் சுற்றுலா இடங்கள் என்பவற்றை உள்ளடக்கிய வகையில் வவுனியா பல்கலைக்கழக விரிவுரையாளர் கலாநிதி எஸ். விஜயமோகன் அவர்களின் ஒருங்கிணைப்பில் தயாரிக்கப்பட்ட நூல் என்பது குறிப்பிடத்தக்கது.
இந் நிகழ்வில் விருந்தினர்களாக மேலதிக அரசாங்க அதிபர் கே.சிவகரன், மேலதிக அரசாங்க அதிபர் (காணி) பா. ஜெயகரன், கியூமெடிக்கா பிரதம நிறைவேற்றுப் பணிப்பாளர் சசின்து டிமெல் மற்றும் மாகாண சுதேச மருத்துவ ஆணையாளர் ரி. சர்வநாதன் மற்றும் பல்கலைக்கழக விரிவுரையாளர்கள், மாவட்டச் செயலக உத்தியோகத்தர்கள், கியூமெடிக்கா உத்தியோகத்தர்கள் பங்குபற்றினார்கள்