தமிழ்நாட்டில் இருந்து இலங்கைக்கு கடத்தல் – ஒருவர் கைது!!

இந்தியாவின், ராமநாதபுரம் அருகே இலங்கைக்கு கடத்த முயன்ற 2,250 கிலோபீடி இலைகள் கைப்பற்றப்பட்டுள்ளதுடன் இந்த சம்பவம் தொடர்பாக சந்தேகத்தின்பெயரில் ஒருவரை தழிழ்நாடு கியூ பிரிவினர் கைது செய்து விசாரணைமேற்கொண்டு வருகின்றனர்.

இன்று புதன்கிழமை (ஜூலை30) அதிகாலை ராமநாதபுரம் அடுத்த வெள்ளரிஓடை கடற்கரையிலிருந்து இலங்கைக்கு பீடி இலைகள் கடல் வழியாகசட்டவிரோதமான முறையில் கடத்த இருப்பதாக கிடைத்த தகவலின்அடிப்படையில் கியூ பிரிவு பொலிஸார் திடீர் சுற்றிவளைப்பு நடவடிக்கையில்ஈடுபட்டனர்.

இதன்போது, லொறி ஒன்றில் இருந்து இலங்கைக்கு பீடி இலை பொதிகளைபடகில் ஏற்றி கொண்டிருந்தபோது அவர்களை மடக்கிப் பிடிக்க முயன்ற போதுகடலில் படகில் இருந்த இருவர் 10 மூட்டை பீடி இலை பொதிகளுடன் கடல்வழியாக தப்பியுள்ளனர்.

மேலும் பீடி இலை ஏற்றி வந்த லொறியை கைப்பற்றி கியூ பிரிவு பொலிஸார்இச்சம்பவத்தில் தொடர்புடையதாக சந்தேகிக்கப்படும் வெள்ளரி ஓடை பகுதியைசேர்ந்த நபரை பிடித்து ராமநாதபுரம் சுங்கத்துறை அலுவலகத்தில்ஒப்படைத்துள்ளனர்.

மேலும் கடல் வழியாக தப்பிச் சென்று மர்ம நபர்கள் இருவர் குறித்து கியூ பிரிவுபொலிஸார் விசாரணை நடத்தி வருகின்றனர்.

ராமநாதபுரம் மாவட்டம் இலங்கைக்கு மிக அருகில் இருப்பதால் ராமநாதபுரம்மாவட்ட கடற்கரையில் இருந்து சமையல் மஞ்சள், சுக்கு, கஞ்சா, கடல் அட்டைகள், பீடி இலைகள் உள்ளிட்டவைகள் அதிக அளவு இலங்கைக்கு கடத்தப்பட்டுவருகின்றமை சுட்டிக்காட்டத்தக்கது.