கிளிநொச்சி மத்திய கல்லூரியின் நூற்றாண்டு விழாவை முன்னிட்டு, கல்லூரி வளாகத்தில் நூறு மரங்கள் நடும் நிகழ்வு எதிர்வரும் புதன்கிழமை (ஒக். 29) நடைபெறவுள்ளது.
1927 ஆம் ஆண்டு தொடங்கப்பட்ட இப்பாடசாலை, தனது 100ஆம் ஆண்டு விழாவை 2027 ஆம் ஆண்டு சிறப்பாகக் கொண்டாடத் திட்டமிட்டு வருவதாக தெரிவிக்கப்படுகிறது. அதற்கான முன்னோடி நிகழ்வாக இந்த மரநடுகை ஏற்பாடு செய்யப்பட்டுள்ளது.
முன்னாள் அதிபர் இரா. சின்னத்தம்பி அவர்களின் நினைவாக, அவரது பேரன் யோகலிங்கம் புஸ்பராஜா வழங்கிய நிதி உதவியுடன் இந்நிகழ்வு நடைபெறவுள்ளது.