காரைக்கால் ஆழ்கடல் இழுவை விசைப்படகுகள் இன்றும் (ஒக்.15) பாக்சலசந்தி கடல் பகுதியில் அத்துமீறி நுழைந்து இந்திய இலங்கை மீனவர்களின்வலைகளை அறுத்து வாழ்வாதாரத்தை அழித்து வருகிறது என இந்திய தேசியபாரம்பரிய மீனவர்கள் கூட்டமைப்பு, தலைவர், சே.நல்லதம்பி தெரிவித்துள்ளார்.
அவர் மேலும் தெரிவிக்கையில்,
பாக்சலசந்தி பகுதியில் காரைக்கால் அழ்கடல் இழுவை விசைப்படகுகள்அத்துமீறி நுழைவது சட்டவிரோதமானது.
இது குறித்து பாக்சலசந்தி 05 மாவட்ட நாட்டுப்படகு மீனவர்கள் பலமுறை தமிழகஅரசுக்கு புகார் கொடுத்தும், இதுவரை தமிழக அரசு எந்த நடவடிக்கையும்எடுக்கவில்லை.
மாறாக காரைக்கால் மீனவர்களை கண்டிக்கும் மீனவ தலைவர்கள் மீதும், அதிகாரியின் மீதும் தமிழக அரசு நடவடிக்கை எடுத்து வருகிறது. இது தமிழகமீனவர்களுக்கு செய்யும் நம்பிக்கை துரோகம்.
தமிழக அரசு தமிழக மக்களுக்கான அரசா..!? அல்லது காரைக்கால்மீனவர்களுக்கான அரசா..!? என்ற ஐயப்பாடு தமிழக மீனவர்கள் மத்தியில்எழுகிறது. இதனால் அதிகம் பாதிக்கப்படுவது இலங்கை மீனவர்கள் தான்.
காரைக்கால் மீனவர்களின் அத்துமீறலால் இலங்கை மீனவர்களின் மீன்பிடிவலை மீன்பிடி உள்ளிட்ட மீன்பிடி சாதனங்கள் அழிக்கப்படுகிறது. காரைக்கால்மீனவர்களால் ஏற்படும் பாதிப்புகள் குறித்து இலங்கை மீனவர்கள்முறையிட்டியின் அடிப்படையில், இலங்கை கடற்படை பாக்சலசந்தி பகுதியில்தமிழக விசைப்படகுகளை கைது செய்து சிறைப்படுத்துகிறது.
காரைக்கால் மீனவர்களின் தவறான செயலால் கடந்த சில ஆண்டுகளாகஇலங்கை கடற்ப்படையால் தமிழக மீனவர்கள் படகு சிறைபிடிக்கப்படுவது மூன்றுமடங்கு அதிகரித்துள்ளது.
இதனால் அதிகம் பாதிக்கப்படுவது இராமேஸ்வரம் பகுதி விசைப்படகு மீனவர்கள்தான்.
காரைக்கால் ஆழ்கடல் இழுவை படகுகளின் அத்துமீறலை பாக்சலசந்தி பகுதியில்தடுக்க கோரி இலங்கை மீனவர் தரப்பில் பலமுறை முதலமைச்சருக்கு கடிதம்மூலமாகவும், பத்திரிக்கை/ஊடகம் மூலமகவும் கோரிக்கை வைத்தும், இதுவரைஎந்த நடவடிக்கையும் தமிழக முதலமைச்சர் எடுக்கவில்லை.
கடந்த வாரம் வீடியோ ஆதாரத்துடன் அனுப்பி அரசுக்கு தெரிவித்த நிலையில்தமிழக அரசு முறையாக நடவடிக்கை எடுக்காத காரணத்தால், 5 விசைப்படகுகள்மற்றும் 45 மீனவர்கள் இலங்கை கடப்படையால் சிறைபிடிக்கப்பட்டனர்.
பொதுவாக கரையில் இருந்து கடலில் 12 கடல் மைல் தொலைவு பாரம்பரிய கடல்பகுதி ஆகும். இது மாநில அரசு கட்டுப்பாட்டில் உள்ளது. இந்தப் பகுதியைபாதுகாக்க மீன்வளத்துறை, மீன்பிடி மேலாண்மை காவல்துறை, கடலோரகாவல்துறை போன்ற பல துறைகளை தமிழக அரசு வைத்துள்ளது. இந்தத்துறைகளை பயன்படுத்தி இதுவரை பாக்சலசந்தி கடல் பகுதியில் அத்துமீறிநுழையும் காரைக்கால் மீனவர்கள் மீது தமிழக அரசு ஒரு முறை கூட நடவடிக்கைஎடுக்கவில்லை.
எனவே இன்று பாக்சலசந்தி கடல் பகுதியில் அத்துமீறி நுழைந்திருக்கும்காரைக்கால் மீனவர்களை இந்த பகுதியில் இருந்து அப்புறப்படுத்தாமல்இருக்கும் பட்சத்தில், நாளை தமிழக மீனவர்களின் விசைப்படகு அல்லதுநாட்டுப்படகு இலங்கை கடற்படையால் சிறை பிடிக்கப்பட்ட வாய்ப்பு உள்ளது.
எனவே தமிழக அரசு உடனடியாக இந்த விஷயத்தில் தலையிட்டு, மத்திய அரசுஅணுகி உடனடியாக நடவடிக்கை எடுக்க வேண்டுமென மீனவர்கள் சார்பாககேட்டுக்கொள்கிறோம் என் குறிப்பிட்டுள்ளார்.