16.11.2025 ஞாயிற்றுக்கிழமை மதியம் 1.30 மணி வானிலை அறிக்கை…
1. இன்று பிற்பகலும் மாலையும் வடக்கு மற்றும் கிழக்கு மாகாணங்களின் பல பகுதிகளுக்கும் மிகக் கனமழை கிடைக்கும் வாய்ப்புள்ளது.
2. தற்பொழுது வடக்கு மற்றும் கிழக்கு மாகாணங்களின் பல பகுதிகளுக்கும் கிடைத்து வருகின்ற கன மழை மேலும் 3 நாட்களுக்கு நீடிக்கும் வாய்ப்புள்ளது
3. அதாவது எதிர்வரும் 19ஆம் தேதி வரை வடக்கு மற்றும் கிழக்கு மாகாணங்களில் தொடர்ச்சியாக மழை கிடைப்பதற்கான வாய்ப்புகள் காணப்படுகின்றன.
4. கடந்த இரண்டு நாட்களில்( இன்று மதியம் 1.00 மணி வரை) மட்டக்களப்பு நகரை அமைத்த பிரதேசங்களில் தொடர்ச்சியாக 250 மில்லி மீற்றருக்கு மேற்பட்ட மழை கிடைத்துள்ளது. இன்று மாலையும் மட்டக்களப்பு மாவட்டமும், அம்பாறை மாவட்டமும், திருகோணமலை மாவட்டமும் மிகக் கன மழை பெறவுள்ளன.
5. யாழ்ப்பாணத்தில் இன்று பிற்பகல் ஒரு மணி வரையான காலப் பகுதியில் பல பகுதிகளுக்கும் சராசரியாக கடந்த 36 மணித்தியாலங்களில் 125 மில்லி மீற்றருக்கு மேற்பட்ட மழை வீழ்ச்சி கிடைத்துள்ளது.
6. இன்று வடக்கு மற்றும் கிழக்கு மாகாணங்களின் பல பகுதிகளுக்கும் தொடர்ச்சியாக கன மழை கிடைத்து வருகின்றது( வவுனியா மாவட்டம், மன்னார் மாவட்டம், முல்லைத்தீவின் மேற்கு பகுதி, கிளிநொச்சியின் தெற்கு பகுதிகளில் குறைவான மழையே பதிவாகியுள்ளது)
7. இந்த நிலைமை இன்னமும் மூன்று நாட்களுக்கு நீடிக்கும் என்பதனால் நிலம் நிரம்பு நிலையடைந்த பல பிரதேசங்களில் தொடர்ச்சியாக கிடைக்கும் கனமழை வெள்ள அனர்த்தத்தை ஏற்படுத்துவதற்கான வாய்ப்புகளை கொண்டிருக்கின்றன.
8. அந்த வகையில் யாழ்ப்பாண மாவட்டத்தினுடைய தாழ்நிலப் பகுதிகள் குறிப்பாக யாழ் நகரை அண்மித்த பகுதிகள், மட்டக்களப்பு மாவட்டத்தின் நகர பிரதேசங்களை அண்மித்த பகுதிகளில் உள்ள மக்கள் தொடர்ச்சியாக மழை கிடைக்கும் என்பதனால் அவதானமாக இருப்பது அவசியமானதாகும்.
9. எதிர்வரும் 23ஆம் திகதியிலிருந்து 28ஆம் தேதி வரையும் வங்காள விரிகுடாவில் புயல் ஒன்று உருவாகுவதற்கான வாய்ப்பு காணப்படுவதால் அக்கால பகுதிகளிலும் வடக்கு மற்றும் கிழக்கு மாகாணங்கள் மிகக் கன மழையைப் பெறும்.
10. இம்முறை மழையின் போக்கில் மிகப்பெரிய அளவிலான இடம் சார்ந்த வேறுபாட்டினை உணர முடிகின்றது குறிப்பாக அதிகளவிலான மழையை பெறுகின்ற வவுனியா மற்றும் முல்லைத்தீவு , கிளிநொச்சி மற்றும் மன்னர் மாவட்டங்கள் ஒப்பீட்டளவில் குறைந்த மழையைப் பெற்றிருக்கின்றன.
11. காலநிலை மாற்றத்தின் மிக முக்கியமான பிரச்சனைகளில் ஒன்றாக கருதப்படுகின்ற நுண் காலநிலை வேறுபாடுகளை ( Micro Climatic Variations) இனை நாம் உணரத் தொடங்கி இருக்கின்றோம்.
12. கடந்த பல ஆண்டுகளாக வடகீழ்ப் பருவக்காற்று காலப் பகுதியில் அதிகளவான மழையை பெற்றிருந்த முல்லைத்தீவு, கிளிநொச்சி, வவுனியா, மன்னார் ச்சி மாவட்டங்கள் குறைவான மழையை பெற்றிருக்கின்றன.
13. வடகீழ்ப் பருவக்காற்று இன்னமும் உச்சம் பெறவில்லை.
14. பருவ மழைக்கான காலம் இன்னமும் போதுமானதாக உள்ளது. எதிர்பார்க்கும் மழை கிடைக்கும் என நம்புவோம்.