அனர்த்த நிலையில பிரதேச சபை உறுப்பினர்களின் வகிபாகம்- கிளிநொச்சியில் கலந்துரையாடல்!

SUB EDITOR
1 Min Read

கிளிநொச்சி மாவட்ட அனர்த்த முகாமைத்துவ நிலையத்தின் ஏற்பாட்டில் அனர்த்த நிலைமையின்போது பிரதேச சபை உறுப்பினர்களின் வகிபாகம் குறித்த கலந்துரையாடல் இடம்பெற்றுள்ளது

கிளிநொச்சி மாவட்ட செயலக திறன் விருத்தி மண்டபத்தில், கிளிநொச்சி மாவட்ட அனர்த்த முகாமைத்துவ நிலையத்தின் ஏற்பாட்டில் மாவட்ட அனர்த்த முகாமைத்துவ  உதவி பணிப்பாளர் A.M.R.N.K. அழகக்கோன் அவர்களின் தலைமையில் நடைபெற்ற இக்கலந்துரையாடலில் கிளிநொச்சி மாவட்ட அரசாங்க அதிபர் எஸ்.முரளிதரன் அவர்கள் கலந்துகொண்டு முக்கிய வழிகாட்டுதல்களை வழங்கியிருந்தார்.

கிளிநொச்சி மாவட்டத்தில் அனர்த்தங்களுக்கான முன்னெச்சரிக்கை நடவடிக்கைகள், அவசரகால ஒருங்கிணைப்பு, மற்றும் விரைவான மீட்பு நடவடிக்கைகளில் பிரதேச சபை உறுப்பினர்கள் வகிக்கும் முக்கியப் பங்கு குறித்த சிறப்பு கலந்துரையாடலாக இக் கலந்துரையாடல் அமைந்திருந்தது.

இக் கலந்துரையாடலில் மாவட்ட உள்ளூராட்சி அலுவலகத்தின் உதவி ஆணையாளர் ப. சத்தியராகவன்,

பச்சிலைப்பள்ளி, பூநகரி, மற்றும் கரைச்சி பிரதேச சபைகளில் இருந்து வருகை தந்த பிரதேச சபை உறுப்பினர்கள் கலந்துகொண்டு தங்களது அனுபவங்கள், மற்றும் தேவைகள் குறித்து கருத்துக்களை பகிர்ந்துகொண்டனர்.

கலந்துரையாடலில் முக்கியமாக

அனர்த்த நிலமைகளில் (வெள்ளம், காற்றடிப்பு, வறட்சி, தீ விபத்து போன்றவை) பிரதேச சபைகளின் உடனடி பொறுப்புகள்,அனர்த்த காலங்களில் தகவல் பரிமாற்றம், ஒருங்கிணைப்பு மற்றும் மக்கள் பாதுகாப்பு நடவடிக்கைகள்,நிவாரணப் பொருட்களின்  விநியோக ஒழுங்கு,பிரதேச மட்டத்தில் மனிதவளத்தையும், தொழில்நுட்ப வசதிகளையும் மேம்படுத்துதல், சமூக விழிப்புணர்வு நடவடிக்கைகளில் உள்ளூராட்சி மன்றங்களின் பங்குபற்றுதல்கள், அனர்த்தத்திற்குப் பிந்தைய மீட்பு மற்றும் மறுசீரமைப்பு செயல்பாடுகளின் திட்டமிடல் உள்ளிட்ட விடயங்கள் கலந்துரையாடப்பட்டன.

இதன் ஊடாக கிளிநொச்சி மாவட்டத்தில் அனர்த்த முகாமைத்துவத்தின்  செயல்திறனை உயர்த்துதல், உள்ளூராட்சி அமைப்புகளின் ஒத்துழைப்பை வலுப்படுத்துதல் மற்றும் உடனடி தீர்வு நடவடிக்கைகளை ஒருங்கிணைப்பதில் ஒரு வலுவான தளமொன்றை உருவாக்க முடிந்துள்ளமை விசேட அம்சமாகும்.

Share this Article
Leave a comment

Leave a Reply

Your email address will not be published. Required fields are marked *

Exit mobile version