யாழ்ப்பாண போதனா வைத்தியசாலையில் இந்திய இராணுவத்தினரால் சுட்டுப் படுகொலை செய்யப்பட்ட 68 பேரின் நினைவேந்தல் இன்று திங்கட்கிழமை (ஒக். 21,) யாழ்ப்பாண போதனா வைத்தியசாலையில் அனுஷ்டிக்கப்பட்டது.
1987 ஆம் ஆண்டு ஒக்டோபர் 21 மற்றும் 22 ஆம் திகதிகளில், யாழ். போதனா வைத்தியசாலைக்கு உள்ளே இந்திய அமைதிப்படை துப்பாக்கிச் சூடு நடத்தியது.
அதில், வைத்தியசாலையில் கடமைப்பட்டிருந்த மூன்று மருத்துவர்கள், இரண்டு தாதியர்கள், மேற்பார்வையாளர் உள்பட 21 மருத்துவ பணியாளர்கள் மற்றும் சிகிச்சை பெற்று வந்த 47 நோயாளர்கள் என மொத்தம் 68 பேர் படுகொலை செய்யப்பட்டமை குறிப்பிடத்தக்கது.
