இலங்கைக் கடற்பரப்புக்குள் அத்துமீறி மீன்பிடியில் ஈடுபட்ட 21 இந்திய மீனவர்கள் கைது செய்யப்பட்டுள்ளனர்.
நெடுந்தீவு கடல் பகுதியில் இன்று (அக் 09) இந்த மீனவர்கள் கைது செய்யப்பட்டனர்.
கைது செய்யப்பட்டவர்களின் 4 படகுகளும் பறிமுதல் செய்யப்பட்டுள்ளது.
கைதான 21 இந்திய மீனவர்கள், மருத்துவ பரிசோதனைகள் முடிந்த பின்னர் மயிலிட்டி மீன்பிடித் துறைமுகத்தில் மாவட்ட கடற்றொழில் மற்றும் நீரியல்வளத்துறை அதிகாரிகளிடம் ஒப்படைக்கப்பட்டுள்ளனர்.
அவர்கள் அனைவரும் இன்று (அக் 10) ஊர்காவற்றுறை நீதவான் நீதிமன்றத்தில் முன்னிலைப்படுத்தப்படவுள்ளனர்.
