Thursday, December 1, 2022

தனிமைப்படுத்தல் முகாமில் குழந்தையை பெற்றெடுத்த தாய் !

Must Read

அண்மையில் சவுதி அரேபியாவில் இருந்து, நாட்டிற்கு அழைத்து வரப்பட்டு, விடத்தல்பளை தனிமைப்படுத்தல் முகாமில் தனிமைப்படுத்தலுக்குள்ளான கர்ப்பவதியான தாயார் நேற்றைய (வெள்ளிக்கிழமை) குழந்தையை பிரசவித்துள்ளார்.

அந்தக் குழந்தை ஆரோக்கியமாக இருப்பதாக, யாழ்.போதனா வைத்தியசாலை வைத்தியர்கள் குறிப்பிட்டுள்ளனர்.  சவுதி அரேபியாவில் பணிப்பெண்ணாக பணியாற்றிய குறித்த பெண் திருகோணமலை கிண்ணியா பிரதேசத்தைச் சேர்ந்தவர். கொரோனா வைரஸ் தொற்று காரணமாக, சவுதி அரேபியாவில் இருந்து இலங்கைக்கு அழைத்துவரப்பட்டு, யாழ்ப்பாணம் விடத்தல்பளை கொரோனா தனிமைப்படுத்தல் நிலையத்தில் தனிமைப்படுத்தப்பட்டிருந்த நிலையில், அவருக்கு நேற்று முன்தினம் குழந்தைப் பேற்றுக்கான வலி ஏற்பட்டதைத் தொடர்ந்து, இராணுவத்தினரால், யாழ்.போதனா வைத்தியசாலையில் உள்ள கொரோனா தனிமைப்படுத்தல் சிகிச்சை நிலையத்தில் மகப்பேறு இடம்பெற்றுள்ளது.

மகப்பேற்றின் பின்னர், குழந்தையும் தாயும் நலமாக இருப்பதாகவும், வைத்தியர்கள் தெரிவித்ததுடன், சிகிச்சை விடுதியில் தனிமைப்படுத்தல் சிகிச்சைக்காக எவரும் அற்ற நிலையில், தனியாக, கண்ணாடி பொருத்தப்பட்ட தனியான விடுதியில் இந்த தாயுக்கும் சேய்க்குமான சிகிச்சை அளிக்கப்பட்டுள்ளது. மேலும் சிகிச்சையின் பின்னர், இன்று யாழ்.போதனா வைத்தியசாலை தனிமைப்படுத்தல் விடுதியில் இருந்து, திருகோணமலைக்கு அனுப்பி வைப்பதற்கான ஏற்பாடுகளை, வைத்தியசாலை மற்றும் யாழ்.மாவட்ட கட்டளைத்தளபதி ரூவான் வணிகசூரியவின் பணிப்புரைக்கு அமைவாக, விடத்தல்பளை படைத்தலைமையகத்தின் ஊடாக, மருத்துவ சான்றிதழ்கள் வழங்கப்பட்டு, அனுப்பி வைக்கப்படவுள்ளதாக தெரிவிக்கப்பட்டுள்ளது.

- Advertisement -spot_img
- Advertisement -spot_img
Latest News

நயினாதீவில் நடைபெற்ற ரத்த தான முகாம்

யாழ்.போதனா வைத்தியசாலை இரத்த வங்கியில் அண்மையில் ஏற்பட்ட குருதித் தட்டுப்பாட்டைக் கருத்திற்கொண்டு. புலம்பெயர்ந்து தற்போது கனடாவில் வசிக்கும் நயினாதீவைச் சேர்ந்த சமூக ஆர்வலர் சின்னத்துரை ஜெகநாதன்...
- Advertisement -spot_img

More Articles Like This

- Advertisement -spot_img